უმრავალესობის წევრი კობა ხაბაზი ფინანსთა სამინისტროსგან სამივლინებო თანხების გაზრდას ითხოვს.
აღნიშნული საკითხი ხაბაზმა დააყენა საქართველოს პარლამენტის ევროპასთან ინტეგრაციისა და უცხოეთში მცხოვრებ თანამემამულეებთან ურთიერთობის კომიტეტების გაერთიანებული სხდომაზე, სადაც კომიტეტის წევრებს 2010 წლის ბიუჯეტის გაზრდის და 2011 წლის სახლემწიფო ბიუჯეტის პროექტი ფინასთა მინისტრის პირველმა მოადგილემ პაპუნა პეტრიაშვილმა გაცნო.
უმრავლესობის წევრის განმარტებით, იმ რეალობიდან გამომდინარე, როდესაც ქვეყნის ტერიტორიების ნაწილი ოკუპირებულია, აუცილებელია ქართული მხარე, როგოც საპარლამენტო, ასევე სამინისტროების დონეზე, ყველა საერთაშორისო კონფერენციაში, სემინარში და სამიტში მონაწილეობდეს, მიუხედავად იმისა, რამდენად მნიშვნელოვანია ეს ღონიძიება.
"საერთაშორისო დონეზე ჩვენ ყველა ტრიბუნა უნდა გამოვიყენოთ იმისთვის, რომ კიდევ ერთხელ დავაფიქსიროთ, რუსეთის მიერ ჩვენი ტერიტორიების ოკუპაციის საკითხი. ამიტომ ამ კუთხით მიმაჩნია, რომ სამივლინებო თანხების გაზრდა უნდა მოხდეს", - აღნიშნა ხაბაზმა.
აღნიშნულთან დაკავშირებით, პაპუნა პეტრიაშვილმა განაცხადა, რომ საჭიროების შემთხვევაში მივლინებისთვის თანხების გამოყოფა ყოველთვის ხდება, რის ნათელი მაგალითია საგარეო საქმეთა სამინისტრო, რომელსაც სხვა წლებთან შედარებით მივლინებებში საკმაოდ დიდი თანხები აქვს დახარჯული.
აღსანიშნავია, რომ ფინანსთა მინისტრის პირველ მოადგილეს საქართველოს საგარეო უწყების მიერ მივლინებში დახარჯული თანხის რაოდენობა არ დაუსახელებია.
