2010 წლის სახელმწიფო ბიუჯეტი 87 მილიონ 700 ათასი ლარით იზრდება. ამის შესახებ ევროინტეგრაციის საკითხებისა და უცხოეთში მცხოვრები თანამემამულეთა ურთიერთობების კომიტეტების გაერთიანებულ სხდომაზე ფინანსთა მინისტრის პირველმა მოადგილემ პაპუნა პეტრიაშვილმა განაცხადა.
მისი თქმით, გაზრდილი ბიუჯეტიდან თანხები გადანაწილდა პრიორიტეტულ მიმართულებებზე.
კერძოდ კი ინფრასტრუქტურის განვითარებისთვის გამოყოფილია 66 მილიონი ლარი. ჯანდაცვის სამინისტროსთვის - 11 მილიონი ლარი საიდანაც 8 მილიონი ლარი ჰოსპიტალების რეაბილიტაციას მოხმარდება.
პაპუნა პეტრიაშვილის თქმით, აღნიშნული თანხები გაიხარჯება 2010 წლის ბოლომდე კონკრეტული პროექტების განხორციელებაში.
