2010 წლის "ნარინჯისფერ რთველზე" ციტრუსის მოსავალი გასულ წელთან შედარებით 47-48%-ით ნაკლებია.
როგორც აჭარის სოფლის მეურნეობის მინისტრმა ემზარ ძირკვაძემ განაცხადა, ციტრუსის რეალიზაციისათვის სეზონზე შეუფერხებლად იმუშავებს როგორც საზღვაო, ისე საავტომობილო და სარკინიგზო ტრანსპორტი. M
მინისტრის თქმით, ძირითად საექსპორტო ბაზრად კვლავ უკრაინა რჩება, სადაც სავარაუდოდ, რეალიზებული იქნება მოსავლის 50-60%.
დღევანდელი მდგომარეობით, რეგიონში წარმოებული და რეალიზებულია 500 ტონამდე მანდარინი, საიდანაც ექსპორტზე რეალიზებულია 310 ტონა ციტრუსის ნაყოფი.
ემზარ ძირკვაძის განმარტებით, წელს, სავარაუდოდ, ციტრუსის მოსავლის რაოდენობა 50-55 ათას ტონას შეადგენს.