დღეს, 9 ნოემბერს, 15:00 საათზე, გურიაში, ოზურგეთში ბილაინის აბონენტთა მომსახურების ახალი ოფისი გაიხსნება. ოფისის გახსნას დაესწრებიან სახელმწიფო რწმუნებული, გუბერნატორი გურიის მხარეში და ოზურგეთის მუნიციპალიტეტის გამგებელი.
მობილური ოპერატორი ბილაინი სოციალური პასუხისმგებლობის პროექტს "ნათელი ფერები ბავშვებს" რეგიონებშიც აწყობს.
აქციის განმავლობაში, ბილაინის ნებისმიერი ახალი აბონენტი, რომელიც დღეიდან, 9 ნოემბრიდან, 9 დეკემბრის ჩათვლით, მობილურ ტელეფონს ბილიანისაგან ან სასტარტო პაკეტს ახლადგახსნილ აბონენტთა მომსახურების ოფისში გურიაში შეიძენს, საქველმოქმედო აქციის მონაწილე გახდება.
გაყიდული მობილური ტელეფონის ღირებულებიდან 1 ლარი, ხოლო ნებისმიერი სასტარტო პაკეტის ღირებულებიდან, 50 თეთრი გადაერიცხება მცირე საოჯახო სახლს სადაც 8 ბავშვი იზრდება.
სოციალური პასუხისმგებლობის კამპანია "ნათელი ფერები ბავშვებს" ბილაინმა თბილისში 6 ივლისს წამოიწყო, შეგროვებული თანხით თბილისის ბავშვთა სახლის აღსაზრდელებისთვის სამხატვრო ოთახი მოეწყო.
