საქართველოს პრეზიდენტი მიხეილ სააკაშვილი უახლოესი 7-8 წლის განმავლობაში ქვეყნის ენერგოსექტორში 5 მლრდ. დოლარის ინვესტიციას მოელის.
"უახლესი 7-8 წლის განმავლობაში ჰიდროენერგეტიკის განვითარებაში 5 მილიარდი დოლარი შეგვიძლია მოვიზიდოთ. შესაძლებელია, 5 მილიარდი დოლარი ჩაიდოს ახალი კაშხლების, ახალი საწარმოო სიმძლავრეების, ახალი სამუშაო ადგილების შექმნასა და ახალი ტექნოლოგიების დანერგვაში", - განაცხადა საქართველოს პრეზიდენტმა "თავისუფალ უნივერსიტეტში" უნივერსიტეტის პროფესორ-მასწავლებლებთან და სტუდენტებთან შეხვედრისას.