რუსი შოუმენის ვლადიმერ პოზნერის მასპინძლობისთვის შრომის ინსპექციამ სასტუმრო "ვინოტელი" 10 ათასი ლარით დააჯარიმა.
შინაგან საქმეთა სამინისტროს განმარტებით კი იზოლაციისა და კარანტინის წესის დარღვევის ფაქტზე დაჯარიმდა სასტუმროში მყოფი 32 პირიც. შსს-ს თანახმად, 41 ადამიანიდან წესები 9-ს არ დაურღვევია.
რუსმა ჟურნალისტმა ვლადიმირ პოზნერმა და მისმა თანმხლებმა პირებმა საქართველო დატოვეს. ისინი სამშობლოში ვადაზე ადრე დაბრუნდნენ.
ვლადიმერ პოზნერი საქართველოში 31 მარტს მეგობრებთა ერთღად დაბადების დღის აღსანიშნავად ჩამოვიდა. სამოქალაქო ატივისტებმა პოზნერის ვიზიტი გააპროტესტეს და სასტუმრო სტამბასთან, სადაც პოზნერი განთავსდა აქცია გამართეს. სტამბიდან აქტივისტებმა სასტუმრო "ვინოტელთან გადაინაცვლეს", სადაც პოზნერი და მისმა მეგობრები სავახშმოდ გაემგზავრნენ.
აქტივისტები ამბობდნენ, რომ პოზნერმა საქართველოში მოქმედი გადაადგილების შეზღუდვის რეგულაციები დაარღვიეს და პოლიციას შესაბამისი ქმედებისკენ მოუწოდებენენ. მათივე თქმით, ადამიანს, რომელმაც თქვა, რომ „აფხაზეთი საქართველოს ნაწილი აღარასოდეს იქნება“, არ აქვს უფლება საქართველოში შემოდიოდეს.
მოგვიანებით აქტივისტებმა სასტუმროს ელექტროენერგია გაუთიშეს. ვინოტელთან შეკრებილი სამოქალაქო აქტივისტები აცხადებდნენ, რომ პოზნერს არ მისცემენ მშვიდად დროსტარების საშუალებას.
აქტივისტების პროტესტის შემდეგ შრომის ინსპექციამ სასტუმრო "ვინოტელი", სადაც ვლადიმერ პოზნერი და მისი სტუმრები იმყოფებიან, 10 000 ლარით დააჯარიმა.
"შრომის ინსპექციამ გამოავლინა 322-ე დადგენილებით აკრძალული საქმიანობის განხორციელება. გამოიკვეთა სამართალდამრღვევი იურიდიული პირი და ობიექტის მიმართ გამოყენებულ იქნება შესაბამისი სანქცია, 10 000 ლარის ოდენობით”, - განაცხადა შრომის ინსპექციის წარმომადგენელმა.
მოგვიანებით, პოზნერმა და მისმა მეგობრებმა სასტუმრო "ვინოტელი" პოლიციის დახმარებით დატოვეს. შსს-ს წარმომადგენლებმა ისინი, სასტუმროდან ავტობუსამდე, სპეციალური კორდონით გააცილეს.
სამოქალაქო აქტივისტებმა რესტორან „ვინოტელიდან“ სასტუმრო რუმსთან გადაინაცვლეს, სადაც სავარაუდოდ, რუსი ჟურნალისტი ვლადიმერ პოზნერი იმყოფება.
აქტივისტებმა შენობას კვერცხები ესროლეს და ოკუპანტების საქართველოში ჩამოსვლას ამ ფორმითაც აპროტესტებენ.
პოზნერის ჩამოსვლის შესახებ ინფორმაცია თავდაპირველად ელენე ხოშტარიამ გაავრცელა.
