შინაგან საქმეთა სამინისტროს წარმომადგენლები, შრომის ინსპექციასთან ერთად, სასტუმრო "ვინოტელში" შედიან.
„ახლა შევდივართ შსს, შრომის ინსპექციასთნ ერთად, დაჯარიმების მიზნით. დანარჩენს, შიგნით გავერკვევით ვთარებაში და მოგახსენებთ. ვინც დაარღვევს გადაადგილების შეზღუდვას, ყველაზე მივიღებთ შესაბამის ზომას, - ამბობს შსს-ის წარმომადგენელი.
"ვინოტელთან" სამოლაქო აქტივისტები აქციას მართავენ, რადგან ცნობილი გახდა, რომ ვლადიმერ პუტინთან დაახლოებული ჟურნალისტი, კრემლის პროპაგანდისტი ვლადიმერ პოზნერი ამ სატუმროში სავახშმოდ გაემგზავრა.
დღეს ცნობილი გახდა, რომ თბილისში რუსეთიდან ჩარტერული რეისით, ვლადიმერ პუტინთან დაახლოებული ჟურნალისტი, კრემლის პროპაგანდისტი ვლადიმერ პოზნერი ჩამოფრინდა. პოზნერს ხვალ დაბადების დღე აქვს და იუბილეს საქართველოს დედაქალაქში აღნიშნავს. "მესამე წელია, დაბადების დღეს თბილისში აღვნიშნავ. ჩამოვედი არა პოლიტიკაზე სასაუბროდ, არამედ დაბადების დღის აღსანიშნავად", - თქვა პოზნერმა.
შეგახსენებთ, ვლადიმერ პოზნერის ეკუთვნის ფაზა, რომ "აფხაზეთი აღარასდროს იქნება საქართველოს ნაწილი".
პოზნერის ჩამოსვლის შესახებ ინფორმაცია თავდაპირველად ელენე ხოშტარიამ გაავრცელა.
სამოქალაქო აქტივისტი გიგა მაქარაშვილი სოციალურ ქსელში წერს, რომ კაფე სტამბასთან აქცია დაიგეგმა. ის საზოგადოებას აქციაზე მისვლისკენ მოუწოდებს.
"ბოლო ინფორმაციით კაფე სტამბაში იკრიბებიან ოკუპანტი ღორები! ვისაც შეგიძლიათ, საშვიანებო და უსაშვოებო, მოკლედ 30 წუთში იქ ვიწყებთ შეკრებას! მთავრობა კი არა მონების ხროვა გვყავს", - წერს სამოქალაქო აქტივისტი გიგა მაქარაშვილი.
