"ქართული ოცნების" საარჩევნო სიის წევრი მარიამ ქვრივიშვილი აცხადებს, რომ საპარლამენტო არჩევნების მეორე ტურში "ქართულმა ოცნებამ" დამაჯერებელი გამარჯვება მოიპოვა.
ქვრივიშვილმა ასევე იმედი გამოთქვა, რომ ოპოზიცია მეათე მოწვევის პარლამენტში იქნება წარმოდგენილი.
"ჩვენი ქვეყნის მოსახლეობის ნახევარ მილიონზე მეტი გამოცხადდა საარჩევნო უბნებთან, რომლებმაც საკუთარი არჩევანი დააფიქსირეს, შედეგად „ქართულმა ოცნებამ“ დამაჯერებლად გაიმარჯვა. გვინდა დიდი მადლობა გადავუხადოთ თითოეულ ამომრჩეველს, რომელმაც პანდემიის მიუხედავად თავისი არჩევანი მაინც გააკეთა. ეს არის ძალიან მნიშვნელოვანი პროცესი ჩვენი ქვეყნის დემოკრატიული განვითარებისთვის. ჩვენ ვიმედოვნებთ, რომ ოპოზიცია მეათე მოწვევის პარლამენტში იქნება წარმოდგენილი, რადგან ეს მნიშვნელოვანია ჩვენი ქვეყნის მდგრადი განვითარების, ეკონომიკური სტაბილურობის და რა თქმა უნდა დემოკრატიული პროცესების კიდევ უფრო მეტად წინსვლისა და გაძლიერებისთვის", - თქვა ქვრივიშვილმა.