„ავტომატურ რეჟიმში, ისე, რომ არ არის დასტური საჭირო, თავად გადამხდელს, რომელსაც აქვს დღგ-ს ზედმეტობა, დაუბრუნდება მის ანგარიშზე, რომელიც შემოსავლების სამსახურშია მითითებული, აცხადებს ფინანსთა მინისტრი. ივანე მაჭავარიანის განმარტებით, შემუშავებულია სპეციალური ანალიტიკური პროგრამა, რომლის მიხედვითაც უსაფრთხო იქნება დაბრუნება იმ გაგებით, რომ სხვადასხვა ტიპის თაღლითობას და შეცდომას არ ჰქონდეს ადგილი.
"სპეციალური ანალიტიკური პროგრამაა შემუშავებული, რომლის მიხედვითაც უსაფრთხო იქნება დაბრუნება იმ გაგებით, რომ სხვადასხვა ტიპის თაღლითობას და შეცდომას არ ჰქონდეს ადგილი. შეგახსენებთ, რომ რამდენიმე დღის წინ დაწყო დღგ-ის დაბრუნება, დღეს უკვე სრულად ავტომატურ რეჟიმში, რაც ნამდვილად დიდი მიღწევაა.
შარშან 614 მილიონი ლარი დავაბრუნეთ, წელს, მიუხედავად პანდემიური კრიზისისა, საბიუჯეტო შემოსავლების შემცირებისა, დღეის მდგომარეობით დავაბრუნეთ 811 მილიონი, წლის ბოლომდე ეს ციფრი ავა მილიარდ ლარამდე. ეს არის ძალიან ნიშანდობლივი მომენტი პანდემიური კრიზისის და ეკონომიკური შენელების ფაზაში, რაც თავისთავად ისახება ყველა ქვეყნის, მათ შორის ჩვენს ბიუჯეტზეც.
ასეთ დროს, პრაქტიკულად გავაორმაგოთ დაბრუნებული დღგ-ის რაოდენობა, ეს არის ძალიან მნიშვნელოვანი სიგნალი, რომ თანამედროვე საქართველოს ისტორიაში ყველაზე რთულ ფისკალურ დროს, რეფორმას არა ვანელებთ, არამედ აქტიურად ვახორციელებთ“, - აღნიშნა ივანე მაჭავარიანმა.
