სხვებისგან განსხვავებით, წესებს ვიცავ, ჩემს მოქალაქეებთან როცა ვსაუბრობ, პირბადეს ყოველთვის ვატარებ. ამის შესახებ გახარიამ უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა.
"რა თქმა უნდა, მეც ვიყავი თვითიზოლაციაში. კოლეგებო, სხვებისგან განსხვავებით, მე წესებს ვიცავ და როდესაც ჩემს მოქალაქეებთან ვსაუბრობ, არ აქვს მნიშვნელობა, ეს საარჩევნო პოლიტიკური კამპანიაა, თუ სხვა სახით, პირბადეს ყოველთვის ვატარებ, შესაბამისად, როგორც ჩემი, სხვა ადამიანების ინფიცირების რისკებს ვამცირებთ. ეს ის პასუხისმგებლობაა, რომელსაც ვგრძნობთ და ზოგიერთებისგან განსხვავებით, პირბადეს არ ვიხსნით. შესაბამისად, მიუხედავად იმისა, რომ რისკი იყო მინიმალური, რადგან არც ერთხელ პირბადე არ მოგვიხსნია, კიდევ ერთხელ გადავიზღვიეთ თავი, კიდევ ერთხელ გავიტესტეთ", - განაცხადა გახარიამ.