პანიკის დათესვა ახლა არის ყველაზე ცუდი - აცხადებს საქართველოს პრემიერ-მინისტრი გიორგი გახარია. როგორც მთავრობის ხელმძღვანელმა საკოორდინაციო საბჭოს სხდომის დასრულების შემდეგ განაცხადა, უპასუხისმგებლო პოლიტიკოსის, ისევე როგორც ექსპერტის მხრიდან ვრცელდება ცრუ ინფორმაციები და ამ ცრუ ინფორმაციების აშკარა მიზანი არის ელემენტარული უსაფუძვლო პანიკის დათესვა.
„სამწუხაროდ, ბოლო პერიოდის განმავლობაში ზოგიერთი უპასუხისმგებლო პოლიტიკოსის, ისევე როგორც ექსპერტის მხრიდან ვრცელდება ცრუ ინფორმაციები და ამ ცრუ ინფორმაციების აშკარა მიზანი არის ელემენტარული უსაფუძვლო პანიკის დათესვა მოსახლეობაში, რაც აბსოლუტურად მიუღებელია. პანიკის დათესვა ახლა არის ყველაზე ცუდი, რაც შეიძლება პასუხისმგებლიანმა მოქალაქემ ქვეყანას დამართოს, თან სრულად უსაფუძვლო პანიკის. ბოლო თვეების განმავლობაში ჩვენი ერთობლივი ბრძოლა წარმატებული იყო იმიტომ, რომ ჩვენ კონსოლიდირებულად, ერთიანად ვიბრძოდით რამდენიმე ფრონტზე“,- აღნიშნა გიორგი გახარიამ.