მოსკოვის საავადმყოფოში ცნობილი "კანონიერი ქურდი" თემურ გაბუნია გარდაიცვალა. ინფორმაციას ამის შესახებ რუსული მედია ავრცელებს.
მათივე ინფორმაციით, გაბუნიას, რომელიც კრიმინალურ წრეებში "თემურ ვანსკის" ზედმეტსახელად იყო ცნობილი გარდაცვალების მიზეზი ფილტვის მწვავე უკმარისობა გახდა.
56 წლის კრიმინალურ ავტორიტეტს მოსკოვში დაკრძალავენ. ამასთან დაკავშირებით, რუსული მედიის ინფორმაციით, მოსკოვში კრიმინალურ ავტორიტეტთა დიდ ნაკადს ელოდებიან.
"თემურ ვანსკი - არაკონფლიქტური ქურდი იყო, იგი ცდილობდა მონაწილეობა არ მიეღო კრიმინალურ კლანებს შორის მიმდინარე დაპირისპირებასა და კონფლიქტებში. მიუხედავად, ამისა კრიმინალურ თანამეგობრობაში მის სიტყვას ფასი გააჩნდა. მიიჩნეოდა, რომ იგი "დედ ჰასანს" (ასლან უსოიანი) უჭერდა მხარს", _ იუწყება რუსული მედია.