ყველაზე ხშირად რუსი ბავშვები საზღვარგარეთ მოგზაურობისას ბულგარეთში ავადმყოფობენ, ხოლო საქართველოს ამ მხრივ ყველაზე უსაფრთხო ქვეყანად დასახელდა ბავშვების დასვენებისათვის. აღნიშნულის შესახებ საუბარია "ალფა დაზღვევის" კვლევაში.
კომპანია ასეთი დასკვნა 2017-2018 წლებში დაზღვეული ბავშვების მშობლების სამედიცინო საჩივრების გაანალიზების საფუძველზე გააკეთა.
როგორც ირკვევა ანტირეიტნგში პირველ ადგილზეა ბულგარეთი, ამ ქვეყანაზე ბავშვთა ავადმყოფობების თითქმის მესამედი, 30%-ი მოდის. ბულგარეთში ყველაზე ხშირად 8-დან 17 წლამდე მოზარდები ავადმყოფობენ.
მეორე ადგილზეა თურქეთი, სადაც რუსეთის ტერიტორიაზე დაზღვეული ტავშვების 10%-ს დასჭირდათ სამედიცინო დახმარება. კვლევის მიხედვით, თურქეთში ძირითადად 3 წლამდე ბავშვები ავადმყოფობენ.
ანტირეიტინგში მესამე პოზიციაზეა ესპანეთი, რომელზედაც რუსი ბავშვების საზღვარგარეთ ავადმყოფობის 9.7% მოდის. ესპანეთში სამედიცინო დაწესებულებას ძირითადად 3-დან 7 წლამდე ბავშვებმა მიაკითხეს.
ანირეიტინგში მეოთხე პოზიციას კვიპროსი იკავებს, სადაც დასვენებისას რუსეთის ბავშვების 6%-მა იავადმყოფა.
"შესანიშნავ ხუთეულში" მოხვდა ტაილანდიც, სადაც დასასვენებლად მყოფი რუსი ბავშვების 5.7%-მა იგრძნო თავი შეუძლოდ.
კვლევამ აჩვენა, რომ დასვენება/მოგზაურობისას რუსი ბავშვები ყველაზე ნაკლებად საქართველოში (2%), ინდონეზიაში (2%), ისრაელში (1.6%), ავსტრიაში (1.5%) და საფრანგეთში (1.2%) გრძნობენ თავს შეუძლოდ და ნაკლებად აკითხავენ სამედიცინო დაწესებულებებს.
