125 წლის წინ მიხეილ ჭიაურელი დაიბადა. ცნობილი ქართველი კინორეჟისორი, საბჭოთა დიქტატორის, იოსებ სტალინის, ცხოვრების ამსახველი პომპეზურ-მონუმენტალური ფილმების ავტორი, საქართველოს სახალხო არტისტი, საბჭოთა კავშირის სახალხო არტისტი, სტალინური პრემიის 6-გზის ლაურეატი 1894 წლის 25 იანვარს დაიბადა.
1912 წელს დაამთავრა თბილისის და სკულპტურის სკოლა იაკობ ნიკოლაძის ხელმძღვანელობით. 1915 წლიდან იყო თბილისის, ქუთაისისა და ბათუმის თეატრების მსახიობი, რეჟისორი და მხატვარი. 1921 წელს დააარსა თბილისის სატირის თეატრი. როგორც მსახიობი მონაწილეობდა ფილმებში „არსენა ჯორჯიაშვილი“, „სურამის ციხე".
1925–1927 წლებში იყო „მუშათა თეატრისა“ და „წითელი თეატრის“ რეჟისორი და მხატვრული ხელმძღვანელი. დავით ძნელაძესთან ერთად დააფუძნა მუსიკალური თეატრი. კინოში მისი შემოქმედება დაიწყო მსახიობობით. მიღებული აქვს ვენეციის საკავშირო კინოფესტივალის ოქროს მედალი. 1940 წლიდან იყო კომუნისტური პარტიის წევრი.