არავის შესაწყალებელი არაფერი მჭირს, - ამის შესახებ საქართველოს ყოფილმა პრეზიდენტმა მიხეილ სააკაშვილმა ვიდეოჩართვაში განაცხადა.
„არავის შესაწყალებელი არაფერი მჭირს, მე არაფერი მომიპარავს, თითზე გადასახვევი არ წამიღია საქართველოდან, არც ერთი უკანონო ქმედება არ ჩამიდენია. არავის შეწყალებისთის ნამდვილად არ ვაპირებ ვეხვეწო და მივმართო. ქართველი ხალხი და საქართველოს ისტორია გადაწყვეტს ჩემ თაობაზე… რა მჭირს მე შესაწყალებელი? უკაცრავად…“, - განაცხადა სააკაშილმა.
შეგახსენებთ, რომ პრეზიდენტობის კანდიდატმა გრიგოლ ვაშაძემ განაცხადა, რომ თუ ის საქართველოს პრეზიდენტი გახდება, სააკაშვილსაც შეიწყალებს, მერაბიშვილსაც და ახალაიასაც.
