საარჩევნო უბნების უმრავლესობა, სადაც საია აკვირდებოდა უბნის გახსნის პროცედურებს, დროულად იყო მზად პირველი ამომრჩევლის მისაღებად. აღნიშნული უბნების უმრავლესობა აღჭურვილი იყო შესაბამისი საარჩევნო მასალებით, - ამის შესახებ საია-ს მიერ გავრცელებულ განცხადებაშია ნათქვამი.
საია-ს ინფორმაციით, დაფიქსირდა საარჩევნო კანონმდებლობის რამდენიმე დარღვევა, რომლებიც ძირითადად წილისყრის პროცედურებს ეხება. ამ ეტაპისთვის, საიას დამკვირვებლებმა დაწერეს 10 საჩივარი და 2 შენიშვნა დააფიქსირეს ჩანაწერთა წიგნში.
