ცხრა წლის გოგონა, რომელსაც ოჯახი გორში დილიდან ეძებდა, გარდაცვლილი იპოვეს. გოგონას ცხედარი გორის რაიონული სასამართლოს ეზოში ნახეს. ამ დროისთვის, გორის რაიონულ ბავშვის ოჯახის წევრები და ადგილობრივები არიან შეკრებილი.
ადამიანები, რომლებმაც ბავშვი იპოვეს ჰყვებიან, რომ გარდაცვლილს ფეხები რკინის მავთულით ჰქონდა შეკრული, თავზე კი ცელოფნის ტომარა ჰქონდა ჩამოფარებული. ისინი ამბობენ, რომ ბავშვი სწორედ ცელოფნის ტომრით გაგუდეს.
ადგილობრივების განცხადებით, ძებნისას მათ გორის რაიონული სასამართლოს ეზო რამდენჯერმე შეამოწმეს, თუმცა ცხედარი იქ არ ყოფილა. ისინი ეჭვობენ, რომ მოზარდი სხვაგან მოკლეს და შემდეგ ცხედარი სასამართლოს ეზოში დატოვეს.
ადგილზე პოლიცია და სასწრაფო დახმარების ბრიგადები არიან მობილიზებული.
