არასამთავრობო ორგანიზაციებმა სერიოზულად შესცოდეს რამოდენიმეჯერ, – ამის შესახებ საპარლამენტო უმრავლესობის წევრმა გია ვოლსკიმ განაცხადა.
მისი განმარტებით, შესცოდეს, როდესაც არ მიაქციეს ყურადღება არც ერთ საერთაშორისო კვლევას, მათ შორის არც მსოფლიო ბანკის კვლევას, არც სავაჭრო ორგანიზაციის კვლევას, არც იმ ფაქტს, რომ არბიტრაჟი გაიხსნას საქართველოში, რომლის სათაო ოფისი არის საფრანგეთში.
„მას შემდეგ, რაც კონკრეტული ადამიანი „ნაციონალური მოძრაობის“ ერთ-ერთი ლიდერი გამოვიდა და თქვა თავისი ტელევიზიის მეშვეობით, რომ ის ადამიანები, ვინც სალომე ზურაბიშვილს უჭერ მხარს, უნდა იყვნენ დევნილები, უნდა იყვნენ მოკვეთილი საზოგადოებისაგან, ამ დროს არასამთავრობო ორგანიზაციებმა არათუ ნეიტრალური, არამედ ამ განცხადებების ავტორის მხარდამჭერი პოზიცია გამოხატეს, რაც არამგონია, რომ მათ რაიმე ღირსებას მატებდეს”, – განაცხადა ვოლსკიმ.
