„ნაციონალური მოძრაობის" კვლევა აცდენილია რეალობას ყველა ნაწილში, - ამის შესახებ პარლამენტის თავმჯდომარე ირაკლი კობახიძემ Edison Reaserch-ის კვლევასთან დაკავშირებით განაცხადა, სადაც გრიგოლ ვაშაძე ლიდერობს.
მისი თქმით, ყოველთვის „ნაციონალური მოძრაობის" დაკვეთით შესრულებული კვლევები აცდენილი იყო სინამდვილეს, ამომრჩევლის მხარდაჭერას.
„დღეს საზოგადოებამ ორი კვლევის შედეგები მოისმინა. საზოგადოებას განსჯისთვის შეუძლია გამოიყენოს გასული წლების მონაცემები. ყოველთვის „ნაციონალური მოძრაობის" დაკვეთით შესრულებული კვლევები აცდენილი იყო სინამდვილეს, ამომრჩევლის მხარდაჭერას“, - განაცხადა ირაკლი კობახიძემ.
ცნობისთვის, დღეს ორი კვლევის შედეგები გამოქვეყნდა. "ქართული ოცნების" დაკვეთით ჩატარებულ კვლევაში სალომე ზურაბიშვილი, ხოლო "რუსთავი 2"-ის დაკვეთით ჩატარებულ კვლევაში - გრიგოლ ვაშაძე ლიდერობს.
