შემაშინებელი არაადეკვატურობის გარდა, ჩვენ ვიხილეთ პრაქტიკულად აღიარებითი ჩვენება, რომ სისტემის მაფიოზური მართვის და ძალადობის აისბერგის წვერი არის ბიძინა ივანიშვილი, - ამის შესახებ "ევროპული საქართველოს" ლიდერმა, გიგი უგულავამ "ქართული ოცნების" თავმჯდომარის, ბიძინა ივანიშვილის გუშინდელ ინტერვიუსთან დაკავიშირებით განაცხადა.
მისი თქმით, ვხედავთ ძალიან შემაშინებელ მართვის სტრუქტურას, რომელსაც არაფერი აქვს საერთო დემოკრატიასთან და თავისუფლებასთან.
"ჩვენ ვიხილეთ აღიარებითი ჩვენება რომ, მთელი ის სიგარეტის საგა, რომელიც თავის თავში სასამართლო პროცესებსაც მოითხოვს, ანუ ფილიპ მორისთან დავას, წაგებას, დარიცხვას, შემდეგ მთელი აი ამ სქემას სადაც ჩხარტიშვილი და ასე შემდეგ ხალხი მონაწილეობდა მთლიანად მისგან იმართება და მისგან გამოდის. ჩვენ ვიხილეთ ის, რომ ეს ადამიანი ჩართულია ყველანაირ დეტალში ასეთი კორუფციული გარიგებების და ამავდროულად არაფერზე რაც სახელმწიფოს ჭირდება და ხალხს ჭირდება იმაზე პასუხისმგებლობას არ იღებს. ჩვენ ვნახეთ ის, რომ ის ჩართულია კვადრატული მეტრების ზომვაში საკუთარი ჩინოვნიკების სასახლეების და ამავდროულად არ იცის სოციალური დახმარების სისტემა როგორია დღეს ქვეყანაში ან ის რომ მისი მთავრომა მე-4 წელია უკვე პენსია არ გაუზრდია. ჩვენ ვხედავთ ძალიან შემაშინებელ მართვის სტრუქტურას, რომელსაც არაფერი არა აქვს დემოკრატიასთან, არაფერი კავშირი არ აქვს თავისუფლებასთან, ეს არის ჩვეულებრივი, მაფიოზური, „პახანური“ მმართველობა. ეს უნდა დავასრულოთ 28 ოქტომბერს“, - განაცხადა გიგი უგულავამ.
