ეს იყო ფაქტობრივად აღიარებითი ჩვენება ძალიან ბევრ საკითხზე, - ამის შესახებ გაერთიანებული ოპოზიციის "ძალა ერთობაშია" საარჩევნო შტაბის ხელმძღვანელმა გიორგი ვაშაძემ "ქართული ოცნების" თავმჯდომარის, ბიძინა ივანიშვილის გუშინდელ ინტერვიუსთან დაკავშირებით განაცხადა.
მისი თქმით, ბიძინა ივანიშვილმა ბოლომდე დაიცვა ფარცხალაძე, მან ასევე აღიარა, რომ მარიხუანას საკითხში მას ფინანსური ინტერესი აქვს.
„უკიდურესად მძიმე იყო მისი მოსმენა 2008 წლის ომთან დაკავშირებით, როცა ისევ საქართელო დაადანაშაულა. შემაშფოთებელი იყო, როცა მან დაიცვა ყველა კორუმპირებული ჩინოვნიკი. ეს არის შემაშფოთებელი. ფარცხალაძეები, როგორც ჩანს, ყველას მოგვადგებიან სახლში, ყველას ფიზიკურად გაგვისწორდებიან", - განაცხადა ვაშაძემ.
