გამოძიებამ უნდა განსაზღვროს ვინ გამოიწვია ომი და რა დანაშაული ჩაიდინეს ამ ომის დროს, - ამბობს სისხლის სამართლის საერთაშორისო სასამართლოს პროკურორის ოფისის წარმომადგენელი პაკისო მოჩოჩოკო.
მისი თქმით, პოლიტიკური განცხადებების შესწავლა ჰააგის სასამართლოს მიზანი არ არის. ამ წუთებში თბილისში რეგიონული სემინარზე, სისხლის სამართლის სასამართლოს, აღმოსავლეთ ევროპის ქვეყნების პარტნიორობაზე მსჯელობენ.
ჰააგის სასამართლოში აგვისტოს ომის საქმეზე მიმდინარე გამოძიებაზე საუბრობს სისხლის სამართლის საერთაშორისო სასამართლოს რეგისტრი პიტერ ლუისი. მისი თქმით, პროცესი დიდხანს გაგრძელდება, რადგან სასამართლოს მხოლოდ მტკიცებულებები სჭირდება და მისი მოპოვება რთულია, რადგანაც არსებობენ იძულებით გადაადგილებული პირები.
“მტკიცებულებები, რასაც მოვიპოვებთ, იმაზეა გათვლილი, რომ კონკრეტული პირების ბრალეულობა გამოკვეთოს და არა იმაზე, თუ ვინ დაიწყო ომი ან ვინ რას აკეთებდა ომში. ჩვენი საქმე ინდივიდუალურ კრიმინალურ პასუხისმგებლობას ეხება, ამიტომ ვეძებთ ფაქტებსა და მტკიცებულებებს კონკრეტულ ინდივიდებზე, პოლიტიკური განცხადებები არაა რელევანტური ჩვენი მიზნებისთვის“, – აღნიშნა ფაკისო მოჩოჩოკომ.
