"ნაციონალური მოძრაობა" "ურჩი მინისტრების" დასჯას ითხოვს, შესაბამისი წერილით ფრაქციის თავმჯდომარე რომან გოცირიძემ პარლამენტის თავმჯდომარე ირაკლი კობახიძეს მიმართა.
ცნობისთვის, სექტემბრის თვეში, ფრაქცია "ნაციონალურმა მოძრაობამ", საქართველოს პარლამენტის რეგლამენტის 94-მუხლის მესამე პუნქტის შესაბამისად მინიჭებული უფლებამოსილების ფარგლებში, ფრაქციის სხდომაზე დაიბარა საგარეო საქმეთა მინისტრი დავით ზალიკიანი, საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი და საქართველოს ფინანსთა მინისტრი ივანე მაჭავარიანი. არცერთი დასახელებული პირი ფრაქციის სხდომაზე არ გამოცხადდა.
"ნაციონალური მოძრაობა" მიიჩნევს, რომ მთავრობის წევრების მიერ მსგავსი დამოკიდებულება არა მხოლოდ ოპოზიციური პარტიის, არამედ მთლიანად პარლამენტის, როგორც ინსტიტუტის კონსტიტუციური უფლებების იგნორირება და მისი დაკნინების მცდელობაა.
"26 სექტემბერს, საპარლამენტო ფრაქცია ნაციონალურმა მოძრაობამ, წერილით მიმართა პარლამენტის თავმჯდომარე ირაკლი კობახიძეს მინისტრების მიერ პარლამენტის რეგლამენტის დარღვევის თაობაზე.
2018 წლის სექტემბრის თვეში, ფრაქცია ნაციონალურმა მოძრაობამ, საქართველოს პარლამენტის რეგლამენტის 94-მუხლის მესამე პუნქტის შესაბამისად მინიჭებული უფლებამოსილების ფარგლებში, ფრაქციის სხდომაზე დაიბარა საგარეო საქმეთა მინისტრი დავით ზალიკიანი, საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი და საქართველოს ფინანსთა მინისტრი ივანე მაჭავარიანი. არცერთი დასახელებული პირი ფრაქციის სხდომაზე არ გამოცხადდა.
ნაციონალური მოძრაობა მიიჩნევს, რომ მთავრობის წევრების მიერ მსგავსი დამოკიდებულება არა მხოლოდ ოპოზიციური პარტიის, არამედ მთლიანად პარლამენტის, როგორც ინსტიტუტის კონსტიტუციური უფლებების იგნორირება და მისი დაკნინების მცდელობაა.
შესაბამისად, ფრაქციამ, ირაკლი კობახიძეს, როგორც პარლამენტის თავმჯდომარეს, რომლის უშუალო მოვალეობაა პარლამენტისავტორიტეტის დაცვა და რეგლამენტის აღსრულება, მიმართა თხოვნით უზრუნველყოსურჩი მინისტრების გამოცხადება ფრაქციის სხდომაზე.
ამასთანავე, ნაციონალური მოძრაობა ითხოვს საქართველოს პარლამენტის რეგლამენტის 289-ე მუხლის მესამე პუნქტის მიხედვით, რომელიც სახელმწიფო თანამდებობის პირების მიერ რეგლამენტის დარღვევას ეხება, საპროცედურო საკითხთა და წესების კომიტეტში მოხდეს რეგლამენტის დარღვევის აღნიშნული ფაქტების განხილვა და საკითხი სათანადო რეაგირების მიზნით გადაეცეს პარლამენტის ბიუროს", - აღნიშნულია წერილში.
