მმართველი გუნდის წევრის, არჩილ თალაკვაძის ინფორმაციით, უმრავლესობის სხდომაზე სამთავრობო ცვლილების შესახებ განხილვა არ ყოფილა.
როგორც თალაკვაძემ ჟურნალისტებს განუცხადა, დღევანდელი შეხვედრა UNICEF-ის კვლევას ეხებოდა.
„უმრავლესობის სხდომაზე ჩვენ განვიხილეთ ყველა მიმდინარე საკითხი და მოვლენები, რომელიც ბოლო პერიოდში ვითარდებოდა ქვეყანაში, განვიხილეთ გაერო-ს ეგიდით ჩატარებული კვლევის შედეგები მოსახლეობის კეთილდღეობის შესახებ.
ბევრი ადამიანი კვლავ ელოდება ხელისუფლებისგან ქმედით დახმარებას და ჩვენ ველოდებით მთავრობისგან კონკრეტულ სამოქმედო გეგმას. რაც შეეხება სამთავრობო ცვლილებების საკითხს, ეს არ ყოფილა უმრავლესობის სხდომის დღის წესრიგში განხილვის საგანი. ეს საკითხი არ ყოფილა განხილვის საგანი უმრავლესობის სხდომაზე“, – განაცხადა არჩილ თალაკვაძემ.
მისივე თქმით, შესაძლოა, ზოგიერთ დეპუტატს აქვს მოსაზრება ცვლილებებთან დაკავშირებით, თუმცა, მისი განცხადებით, დღევანდელ სხდომაზე სამთავრობო ცვლილებები განხილული არ ყოფილა
ცნობისთვის, დღეს ვრცელდებოდა ინფორმაცია, რომ უმრავლესობის სხდომაზე სამთავრობო ცვლილებებს განიხილავნდნენ. გავრცელებული ინფორმაციის თანახმად, გიორგი კვირიკაშვილი პრემიერ მინისტრის პოსტის დატოვებას აპირებდა.
