„კლიმატური პირობები უარესდება, ქარი გაძლიერდა. შესაბამისად, ძალიან რთულია ხანძრის გაკონტროლება. გუშინაც ნახეთ, ქარის გამო თითქმის, ჩამქრალი ხანძარი ხელახლა აალდა“, - განუცხადეს „ჯი-ეიჩ-ენ-ს“ საგანგებო სიტუაციების მართვის სააგენტოში.
მათი განცხადებით, ხანძრის დასახლებულ პუნქტამდე გავრცელების საფრთხე არ არსებობს.
„ხანძრის ახალი კერები აღმოჩენილი არ არის. ამ დროისათვის ადგილზე შინაგან საქმეთა სამინისტროს 1 000-მდე თანამშრომელია მობილიზებული, აქედან 400-ზე მეტი მეხანძრე-მაშველია, 550 კი, განსაკუთრებულ დავალებათა დეპარტამენტის თანამშრომელია. ამ წუთებში 3 ვეტმფრენით ვმუშაობთ. უახლოეს პერიოდში თურქეთიდან 2 ვეტმფრენს ველოდებით. ასევე, სახანძრო-სამაშველო ტექნიკით და ცოცხალი ძალით სომხეთიდანაც მოგვეხმარებიან“, - აცხადებენ საგანგებო სიტუაციების მართვის სააგენტოში.
