გაზეთ „ქრონიკა პლუსის“ მთავარი რედაქტორის, ელისო კილაძის განცხადებით, მისი შვილის, დავით ხარშილაძის საქმე უკვე გადაწყვეტილია და პატიმრობა ემუქრება.
კილაძის თქმით, სასჯელის ფორმად 9 ან 12 წელს განიხილავენ.
„გვაქვს კონკრეტული ინფორმაცია, რომ მიდის ინტენსიური მოლაპარაკებები უჩა მამაცაშვილის, ირაკლი შოთაძისა და ასევე სოსო გოგაშვილის ასევე აქტიური ჩართულობით, რომ აუცილებლად დადგეს ამ საქმეზე გამამტყუნებელი განაჩენი და განიხილავენ ან 9 ან 12 წელს,“ - განაცხადა ელისო კილაძემ.
ცნობისთვის, დავით ხარშილაძის საქმის არსებითი განხილვა თბილისის საქალაქო სასამართლოში 13 ივლისს განახლდება.
