"ციანიდის საქმეზე" ადვოკატ ირმა ჭკადუას დაკითხვა მიმდინარეობს.
პროკურორ ზვიად გუბელაძის განცხადებით, ირმა ჭკადუა ბრალდების მხარის მოწმეთა სიაშია. პროკურორის ინფორმაციით, დღეს ასევე დაიკითხნენ ბრალდების მხარის სხვა მოწმეები, რომლებიც იყვნენ გამომძიებლები.
”დღეს დაიკითხნენ საქმის გამომძიებლები, რომლებმაც თბილისის საერთაშორისო აეროპორტიდან ბრალდებულის პირადი ბარგი ამოიღეს, რომელშიც მომწამლავი ნივთიერება ციანიდი აღმოჩნდა. ასევე გამომძიებლები, რომლებმაც გიორგი მამალაძის საცხოვრებელი ბინიდან ცეცხლსასროლი იარაღი ამოიღეს. შესაბამისად, საგამოძიებო მოქმედება კანონის სრული დაცვით განხორციელდა”, - განაცხადა ზვიად გუბელაძემ.
