“ბირჟა მაფიას“ დაკავებული წევრის გიორგი ქებურიას ადვოკატის, მერაბ ჩიქოვანის განცხადებით, მისთვის უცნობია, გადაუგზავნა თუ არა მის მიერ დაწერილი საჩივარი საქალაქო სასამართლომ სააპელაციოს.
ჩიქოვანის განმარტებით, თუ კი საჩივარი გადაგზავნილია, "იმედი აქვს, რომ სააპელაციო სასამართლო საჩივარს დასაშვებად ცნობს.
"იმედი მაქვს, რომ ეს მოხდება უსწრაფესად. ასევე, მინდა განვმარტო, რომ თუ კი პროკურატურა თანახმაა აღკვეთი შეეცვალოთ დაკავებულებს და სააპელაციო სასამართლო საჩივარს დაუშვებლად სცნობს, პროკურატურას აქვს უფლება თვითონ მიმართოს ისევ თბილისის საქალაქო სასამართლოს და მოითხოვოს პატიმრობის ღონისძიების შეცვლა", - განაცხადა მერაბ ჩიქოვანმა.
სააპელაციო სასამართლოს გადაწყვეტილებას ხვალ ან ზეგ ელოდება მიხეილ მგალობლიშვილის ადვოკატი ქართლოს ვაშაკიძე.
"ვფიქრობ, თბილისის საქალაქო სასამართლოში დაწერილი საჩივარი სააპელაციოს ორშაბათს გადაეგზავნება და თუ კი არსებულ პრაქტიკას გავითვალისწინებთ, სხდომა სამშაბათს ჩაინიშნება. რაც შეეხება მოლოდინს, მზად ვარ ვიომო და ამის შედეგს დაინახავთ", - განაცხადა ვაშაკიძემ.
