საქართველოს საგარეო საქმეთა სამინისტროსთან დღეს, სოსო ოსორაულის მხარდამჭერი აქციის დროს დაკავებული ორი პირი სასამართლომ გაათავისუფლა. თბილისის საქალაქო სასამართლოს გადაწყვეტილებით, ერთი მათგანი 100 ლარით დაჯარიმდა, მეორეს კი სიტყვიერი გაფრთხილება მისცეს.
საგარეო საქმეთა სამინისტროსთან დღეს კონგოში დაკარგული ქართველი მფრინავის სოსო ოსორაულის მხარდამჭერ აქციაზე ორი მოქალაქე დააკავეს. აქციაზე "ნაციონალური მოძრაობის" წარმომადგენლები მოვიდნენ, რამაც რამდენიმე მოქალაქის გაღიზიანება გამოიწვია. მათ გიორგი ბარამიძეს სიტყვიერი შეურაცხყოფა მიაყენეს და პოლიციამ ისინი ადმინისტრაციული წესით დააკავა.
