დღეს ჩვენ გვაქვს თავისუფალი სასამართლო სისტემა და მომავალში კიდევ უფრო განვითარდება ეს სისტემა, - ამის შესახებ განათლების მინისტრმა, ალექსანდრე ჯეჯელავამ ჟურნალისტებს განუცხადა.
ვიცე-პრემიერი სამი პოლიტიკური პარტიის განცხადებას გამოეხმაურა, რომელთა განცხადებაშიც წერია, რომ "ქართულმა ოცნებამ" საკუთარ თავზე მოირგო ყველა ის მანკიერება, რაც სასამართლო სისტემაში არსებობდა და აღნიშნა, რომ ოპოზიციურ პარტიებს სასამართლო სისტემის თავისთავზე მორგების დიდი გამოცდილება აქვთ და ალაბათ, მათი ეს შეხედულებები აქედან მოდის.
”საერთაშორისოდ აღიარებულია, რომ სასამართლო რეფორმის ის ეტაპი, რომელიც გავიარეთ და ახლა არის შემოთავზებული, სრულიად შეესაბამება დასავლურ პრაქტიკას. ამიტომ დარწმუნებული ვარ, რომ ჩვენი სასამართლო სისტემის 10 წლის წინანდელთან შედარება შეუძლებელია, რომელიც გადაქცეული იყო ხელისუფლების ნების დამადასტურებლად. დღეს ჩვენ გვაქვს თავისუფალი სასამართლო სისტემა და მომავალში კიდევ უფრო განვითარდება ეს სისტემა”, - განაცხადა ალექსანდრე ჯეჯელავამ.
