დარიკო ჯაში რომ ამბობს, ფული აიღოო, ნუთუ არ რცხვენია, ამას რომ ამბობს?! თუ ფული მაქვს აღებული, ასე მოჯამაგირედ ვიცხოვრებდი სხვის სახლში?! ფული დარიკო ჯაშს აქვს აღებული. „თეთრმა ხმაურმა“ გადაუხადა ფული, რომ ბევრი ეყვირა დემურის გარდაცვალებასთან დაკავშირებით, - ასე გამოეხმაურა გარდაცვლილი დემურ სტურუას დედა, სტურუას ბიცოლის, დარიკო ჯაშის განცხადებას, რომელმაც აღნიშნა, რომ დემურ სტურუას დედამ და ძმამ ფული აიღეს და ამიტომ გაამართლეს მისი მკვლელი სასამართლოზე.
მისი თქმით, მისი შვილის თვითმკვლელობამდე მიყვანაში ბრალდებული ყოფილი პოლიციელი გოდერძი თევზაძე უდანაშაულო იყო და სასამართლომ სწორედ ამიტომ გაამართლა.
„გამოძიებით დადგინდა, რომ გოდერძი თევზაძე უდანაშაულოა. ამაზე ბევრი ფაქტი მეტყველებს. მე მაინტერესებს ნამდვილი მკვლელი ვინ არის. სწორედ ეს უნდა გამოიძიონ. დარიკო ჯაში რომ ამბობს, ფული აიღოო, ნუთუ არ რცხვენია, ამას რომ ამბობს?! თუ ფული მაქვს აღებული, ასე მოჯამაგირედ ვიცხოვრებდი სხვის სახლში?! ფული დარიკო ჯაშს აქვს აღებული. „თეთრმა ხმაურმა“ გადაუხადა ფული, რომ ბევრი ეყვირა დემურის გარდაცვალებასთან დაკავშირებით. დარიკო პოლიციელებს ვერ იტანს და საქმეც მაგაშია“, - განაცხადა ნონა ჯოჯუამ.
ცნობისთვის, პოლიციელი გოდერძი თევზაძე, რომელსაც ბრალად დემურ სტურუას თვითმკვლელობამდე მიყვანა ედებოდა, დღეს სასამართლომ გაამართლა.
