დემურ სტურუას საქმეზე პირველი ინსტანციის სასამართლოს გადაწყვეტილებას პროკურატურა არ ეთანხმება და სააპელაციო სასამართლოში გაასაჩივრებს.
ამის შესახებ ინფორმაციას პროკურატურა ავრცელებს.
შეგახსენებთ, დემურ სტურუას გარდაცვალების საქმეზე ბრალდებული ყოფილი პოლიციელი გოდერძი თევზაძე ქუთაისის საქალაქო სასამართლომ გაამართლა.
თევზაძეს პროკურატურა უფლებამოსილების გადამეტებასა და თვითმკვლელობამდე მიყვანას ედავებოდა, სასამართლომ კი სამტრედიის პოლიციის ყოფილი თანამშრომელი ორივე ნაწილში გაამართლა.
ცნობისთვის, 22 წლის დემურ სტურუამ 7 აგვისტოს სამტრედიის რაიონში, სოფელ დაფნარში თავი ჩამოიხრჩო. მან დატოვა წერილი, რომლის თანახმადაც, ეს პოლიციელ დემურ თევზაძის ზეწოლის გამო გააკეთა.
მთავარმა პროკურატურამ დემურ სტურუას წერილში მოხსენიებულ პოლიციელს, სამტრედიის რაიონული სამმართველოს უბნის ინსპეტორ-გამომძიებელს, გოდერძი თევზაძეს ბრალი 29 აგვისტოს წაუყენა. იგი წინასწარ პატიმრობაში იმყოფება.
სასამართლომ გოდერძი თევზაძეს ბრალი დაუსწრებლად წაუყენა. პოლიციელი მიმალვაში იმყოფებოდა და პროკურატურას მასზე ძებნა ჰქონდა გამოცხადებული. პოლიციელი პროკურატურას 13 სექტემბერს ჩაბარდა.
