აზერბაიჯანელი დეპუტატის, ელმან ნასიროვის განცხადება იმის თაობაზე, რომ ჟურნალისტ აფგან მუხთარლის დაკავება იყო აზერბაიჯანისა და საქართველოს სპეცსამსახურების ერთობლივი მუშაობის შედეგი, სიმართლეს არ შეესაბამება, - ამის შესახებ სუს-ის განცხადებაშია აღნიშნული.
როგორც განცხადებაში წერია, სახელმწიფო უსაფრთხოების სამსახური დეპუტატის მიერ გავრცელებულ ინფორმაციას და რაიმე კავშირს აფგან მუხთარლის საქმესთან კატეგორიულად უარყოფს.
მათივე ცნობით, აზერბაიჯანელი ჟურნალისტის, აფგან მუხთარლის საქმესთან დაკავშირებით, საქართველოს შინაგან საქმეთა სამინისტრო გამოძიებას აწარმოებს საქართველოს სსკ-ს 143-ე მუხლით, რაც თავისუფლების უკანონო აღკვეთას გულისხმობს.
შეგახსენებებთ, აზერბაიჯანელმა პარლამენტარმა რადიო "თავისუფლებასთან" ინტერვიუში განაცხადა, რომ აფგან მუხტარლის დაკავება ქართულ-აზერბაიჯანული სპეცსამსახურების წარმატებული ოპერაცია იყო. მისივე თქმით, ეს ერთობლივი ნაბიჯი აზერბაიჯანსა და საქართველოს შორის იყო სპეცსამსახურების მუშაობის შედეგი.
