სავარაუდოდ, დღეს გახადება ცნობილი, დატოვებენ თუ არა ამერიკის შეერთებულ შტატებში დაკავებული ქართველი სპორტსმენები საპატიმროებს. ერთ-ერთი დაკავებულის, მოკრივე ავთანდილ ხურციძის მეგობარი facebook-ზე ვიდეოს ავრცელებს. მისი ინფორმაციით, სასამართლო სხდომა ნიუ-იორკში დღეს გაიმართება და მოკრივეებს თავდებით გაათავისუფლებენ.
ლევან მაყაშვილის უფლებადამცველის ინფორმაციით კი, მისი დაცვის ქვეშ მყოფი მასშტაბური სპეცოპერაციის დროს შეცდომით დააკავეს და მას კრიმინალურ დაჯგუფებასთან კავშირი არ აქვს.
ნიუ-იორკში 33 ადამიანს, მათ შორის ქართული კრიმინალური სამყაროს 15 წარმომადგენელს - ე.წ. კანონიერ ქურდებს, რუსული კრიმინალური სინდიკატის წევრობისთვის ბრალი წაუყენეს.
აშშ-ის იუსტიციის სამინისტრო ვებგვერდზე გამოქვეყნებულ დოკუმენტში ჩამოთვლილ ბრალდებულებს შორის ე.წ. კანონიერი ქურდის რაჟდენ შულაიას, ასევე ზურაბ ჯანაშვილის, აკაკი უბილავას, ჰამლეტ უგულავასა და სხვა კრიმინალების გვარები ფიგურირებენ.
