ხელისუფლებას ჰყავს კონკრეტული საკონტაქტო პირი ზარდიაშვილი, რომელიც ეკონტაქტება კონკრეტულ მოსამართლეებს, ამ შემთხვევაში ჩინჩალაძეს, მურუსიძეს და მათ კოლეგებს, - ამის შესახებ ”საერთაშორისო გამჭვირვალობა საქართველოს“ აღმასრულებელმა დირექტორმა ეკა გიგაურმა არასამთავრობო სექტორის წარმომადგენლებს შორის გამართული შეხვედრის დასრულების შემდეგ განაცხადა.
მისი თქმით, ის, რომ ისინი ხელისუფლება არ ერევა სასამართლო სისტემაში, ტყულია.
”მთავარი გამოსავალი არის ის, რომ ხელისუფლებამ უნდა აიღოს პასუხისმგებლობა იმ პორობლემებთან დაკავშირებით, რაც გვაქვს სასამართლო სისტემაში. ის, რომ ისინი არ ერევიან სასამართლო სისტემაში, ტყულია. მათ ჰყავთ კონკრეტული საკონტაქტო პირი ზარდიაშვილი, რომელიც ეკონტაქტება კონკრეტულ მოსამართლეებს, ამ შემთხვევაში, ჩინჩალაძეს, მურუსიძეს და მათ კოლეგებს. ამის შემდეგ უკვე ხდება მოსამართლეების კლანის მეშვეობით სასამართლოზე გავლენა, განსაკუთრებით პოლიტიკურად სენსიტიურ საქმეებთან დაკავშირებით. უახლოეს მომავალში მთავრობამ საზოგადოებას უნდა ანახოს ნაბიჯეები იმისკენ, რომ კლანური სისტემა დაასრულოს სასამართლო სისტემაში”, - განაცხადა გიგაურმა.
