დეკანოზ მამალაძის ოჯახის განცხადებით, შორენა თეთრუაშვილსა და ედიშერ ქარჩავასთან ერთად, ბრალდებულს პატრიარქის ქორეპისკოპოსი მეუფე იაკობიც უპირისპირდება. ამის მიზეზად კი იმ ფინანსურ დარღვევებს მოიაზრებენ, რომელიც მამა გიორგიმ დაკავებამდე საპატრიარქოში აღმოაჩინა.
გიორგი მამალაძის ადვოკატის, გიორგი ფანცულაიას განცხადებით კი სასულიერო პირებს ბრალდებულ დეკანოზთან შეხვედრის უფლებას მეუფე იაკობი არ აძლევს.
„რამდენიმე სასულიერო პირს ჰქონდა სურვილი მამა გიორგის შეხვედროდა, თუმცა საპატრიარქოდან შესაბამისი საშვი არ მისცეს. შემდეგ განუმარტეს, ბრალდებულთან შეხვედრა აკრძალულია მეუფე იაკობის მიერ“, - აცხადებს დეკანოზის ადვოკატი.
