ძალოვანი სტრუქტურების მიერ შეიძლებოდა ამის გამოძიება მაშინვე, როგორც კი ეს მოხდება, - ამის შესახებ აზერბაიჯანელი ჟურნალისტის, აფგან მუხთარლის მეუღლემ, ლეილა მუსტაფაევამ გადაცემა "არჩევანში" განაცხადა.
მისი თქმით, მუხთარლი ვერც კი წარმოიდგენდა, რომ დაიჭერდნენ ან მოიტაცებდნენ თბილისის ცენტრიდან.
„ვერც კი წარმოედინა მას, რომ დაიჭერდნენ ან მოიტაცებდნენ თბილისის ცენტრიდან, მაგრამ ზოგადად ჩვენ ვფიქრობდით, რომ კანონიერი გზით ის შეიძლება, დაეჭირათ და გადაეგზავნათ ბაქოში“, - განაცხადა ლეილა მუსტაფაევამ.
მისივე თქმით, მის მეუღლეს აზერბაიჯანული ხელისუფლებისადმი კრიტიკული დამოკიდებულება ჰქონდა და მასზე მიმდინარეობდა ზეწოლა.
„ის მუშაობდა ერთგვარ ჟურნალისტურ გამოძიებაზე და ჩვენ ვგრძნობდით გარკვეულ ზეწოლას. დაახლოებით 2015 წლიდან დაიწყო მასზე ზეწოლა და დაახლოებით 2016 წლის ბოლოს უკვე ძალიან ინტენსიური სახე მიიღო. ეს დაკავშირებული იყო მის ჟურნალისტურ გამოძიებასთან", - დასძინა ლეილა მუსტაფაევამ.
ის ვარაუდობს, რომ მუხთარლის დაპატიმრება იყო აზერბაიჯანის პრეზიდენტის ინტერესებში
„ხომ შეიძლებოდა, ენახათ ჩანაწერები იმ ვიდეო კამერებიდან, რომელიც ირგვლივ არსებობდა და ბოლოსდაბოლოს ძალოვანი სტრუქტურების მიერ შეიძლებოდა ამის გამოძიება მაშინვე, როგორც კი ეს მოხდება. მე მაინც მგონია, რომ მისი დაპატიმრება იყო აზერბაიჯანის პრეზიდენტის ინტერესებში“, - აღნიშნა ლეილა მუსტაფაევამ.
