ტელეწამყვან ლევან როსტოშვილთან და მსახიობ ლაშა კურტანიძეს პატიმრობის ვადა შეუმცირდათ, - ამის შესახებ ინფორმაცია საზოგადოებრივს ადვოკატმა მალხაზ სალაყაიამ დაუდასტურა. ადვოკატის ინფორმაციით, მათთან საპროცესო შეთანხმება გაფორმდა.
როგორც სალაყაიამ განმარტა, დღეს სააპელაციო სასამართლოში შედგა განხილვა, სადაც გაფორმდა საპროცესო შეთანხმება, რომლის მიხედვითაც რეალური სასჯელის ვადათ ლაშა კურტანიძეს ერთი, ხოლო ლევან როსტოშვილს კი სამი წელი განესაზღვრათ. მათვე დაეკისრათ 40 ათისი ლარი ჯარიმის გადახდა და პირობითი სასჯელი, კურტანიძის შემთხვევაში სამი წელი და როსტოშვილის შემთხვევაში ოთხი წელი.
საქალაქო სასამართლოს გადაწყვეტილებით, ლევან როსტოშვილს 8 წლით, ხოლო მსახიობ ლაშა კურტანიძეს 5 წლით თავისუფლების აღკვეთა ჰქონდა მისჯილი.
როსტოშვილი და კურტანიძე 2016 წლის 6 მაისს დააკავეს. დაკავებულების მიმართ სისხლის სამართლის საქმე 260-ე მუხლით აღიძრა, რაც განსაკუთრებით დიდი ოდენობით ნარკოტიკული ნივთიერების შეძენა-შენახვას გულისხმობს.
