აზერბაიჯანელი ჟურნალისტის აფგან მუხთარლის ადვოკატები მთავარ პროკურატურას ჟურნალისტის საქმეზე გამოძიების დაწყებისკენ მოუწოდებენ.
ჟურნალისტის ადვოკატებმა პრესკონფერენცია გამართეს და საქმის ახალ დეტალებზე ისაუბრეს.
როგორც პემატ კარიმლიმ განაცხადა, აზერბაიჯანელი ჟურნალისტი ოთხმა პირმა დააკავა, რომელთაგან სამი საქართველოს კრიმინალური პოლიციის ფორმაში იყო ჩაცმული, ხოლო ერთს სამოქალაქო სამოსი ეცვა. გარდა ამისა, კრიმლის ინფორმაციით, მუხტარლის თავზე ტომარა ჩამოაცვეს და სხვა მანქანაში გადასვეს.
ადვოკატი მისი დაცვის ქვეშ მყოფზე დაყრდნობით ამბობს, რომ პირები რომლებმაც ის დააკავეს, პერიოდულად, რეკავდნენ და ვიღაცას ტელეფონით ანგარიშს აბარებდნენ. მისივე თქმით, მუხტარლი აზერბაიჯანულ მხარეს ნეიტრალურ საზღვარზე გადასცეს და ოფიციალური სასაზღვრო გამშვები პუნქტით არ უსარგებლიათ.
აზერბაიჯანელი ჟურნალისტის ქართველი ადვოკატები, ყველა ამ დეტალის გათვალისწინებით, ითხოვენ თავისუფლების უკანონო აღკვეთის მუხლით, გამოძიება პროკურატურამ დაიწყოს. ადვოკატი არჩილ ჩოფიკაშილი არ გამორიცხავს, თანამდებობის პირების პასუხისმგებლობის საკითხიც დადგეს.
