აზერბაიჯანელ ჟურნალისტს აფგან მუხტარლის ბაქოს სასამართლომ სამთვიანი წინასწარი პატიმრობა შეუფარდა. დაცვის მხარე მის გირაოთი გათავისუფლებას ითხოვდა, თუმცა სასამართლომ ადვოკატთა მოთხოვნა არ დააკმაყოფილა.
მუხტარლის ბრალი საზღვრის უკანონო გადაკვეთის, სამართალდამცველებისთვის წინააღმდეგობის გაწევისა და კონტრაბანდის მუხლებით წაუყენეს.
აზერბაიჯანელი ჟურნალისტი აფგან მუხტარლი თბილისიდან გუშინ გაუჩინარდა. დღის ბოლოს კი გაირკვა, რომ ის აზერბაიჯანის ტერიტორიაზე იმყოფება. მომხდარზე გამოძიება შინაგან საქმეთა სამინისტრომ დაიწყო.
