საპატრიარქოს იურისტი ედიშერ ქარჩავა საქართველოს კათოლიკოს-პატრიარქმა ილია II-მ არ მიიღო.
როგორც იურისტმა ჟურნალისტებთან საუბრისას განმარტა, პატრიარქი ყველა მიმდინარე მოვლენის საქმის კურსშია.
„მე შემიძლია ცალსახად გითხრათ, რომ მისი უწმინდესობა ყველა მიმდინარე მოვლენის საქმის კურსშია. გეუბნებით, რომ ყველა იმ ძირითად გადაცემას, ყველა იმ ძირითად საკითხს, რომელიც ეხება ქვეყენას, ეკლესიას, ამის შესახებ მან იცის“, - განაცხადა ედიშერ ქარჩავამ.
მისივე თქმით, მისი განცხადებები მეუფე პეტრესთან დაკავშირებით, არავისთან შეთანხმებული არ არის.
„მე ცალსახად ვიძახი, რომ ის განცხადებები, რაც მე გავაკეთე მეუფე პეტრესთან მიმართებაში, ეს იყო მხოლოდ და მხოლოდ ჩემს მიერ მიღებული გადაწყვეტილება. პატრიარქი არის ეპისკოპოსი და ჩემი ხელმძღვანელი, ამიტომ თუ მისი უწმინდესობა მოისურვებს, მე ნებისმიერ დროს მზად ვარ მას შევხვდე და ვესაუბრო“, - განაცხადა ედიშერ ქარჩავამ.
მედიის განვითარების ფონდი (MDF)
