რატომ უნდა გაბათილდეს, როდესაც კანონმდებლობის და წესების სრული დაცვით არის გადაწყვეტილება მიღებული და დავეხმარეთ გაჭირვებულ მოქალაქე ჩოხელს, - ამის შესახებ თბილისის მერმა დავით ნარმანიამ მოსამართლე ნატა ნაზღაიძის ოჯახისთვის ქონების გადაცემის საქმეზე კომენტირებისას აღნიშნა.
მისი განცხადებით, არასწორი გადაწყვეტილებაა, რომ სასამართლოსგან მოვითხოვონ აქტის ბათილობა.
"ყველა საკითხს, რომელიც თბილისის მთავრობის სხდომაზე გამოდის, მე როგორც მთავრობის მეთაური ვსწავლობ და შესაბამისად ვიღებთ გადაწყვეტილებებს.
რატომ უნდა გაბათილდეს, როდესაც კანონმდებლობის და წესების სრული დაცვით არის გადაწყვეტილება მიღებული და დავეხმარეთ გაჭირვებულ მოქალაქე ჩოხელს, რომელიც დაზარალებული იყო? - ჩემი აზრით, არასწორი გადაწყვეტილებაა, რომ სასამართლოსგან მოვითხოვოთ აქტის ბათილობა",- განაცხადა დავით ნარმანიამ.
