ბათუმის მოვლენებთან დაკავშირებით დაკავებული 9 პირი სასამართლომ პატიმრობაში დატოვა. პროცესი ბათუმის საქალაქო სასამართლოში დღეს გაიმართა.
მიუხედავად დაცვის მხარის მოთხოვნისა, პატიმრობის გირაოთი შეცვლის თაობაზე, მოსამართლემ დაკავებულები არ გაათავისუფლა. გადაწყვეტილებას პროცესზე დაკავებულების ახლობლების მხრიდან ხმაური მოჰყვა.~
შეგახსენებთ, რომ 11 მარტს აჭარის შს სამმართველოსთან პოლიციასა და აქციის მონაწილეებს შორის დაპირისპირება მოხდა. სპეცდანიშნულების რაზმმა ცრემლსადენი გაზი გამოიყენა.
არეულობის ორგანიზებისთვის 2 პირი, ირაკლი ჩხვირკია და მერაბ ღოღობერიძე 23 აპრილს დააკავეს. მათ წინასწარი პატიმრობა 25 აპრილს შეუფარდეს.
