წერილი, რომელიც მამა გიორგიმ გამოგზავნა წმიდა სინოდში წასაკითხად, და, რაც არ უნდა გასაკვირი იყოს, წმიდა სინოდმა არ ისურვა ამ წერილის მოსმენა, ამ წერილში წერია, რომ მასზე ირიბად თუ პირდაპირ იყო მოთხოვნა, რომ მას დაესახელებინა დაცვის უფროსი და პატრიარქის ძმიშვილი, მეუფე დიმიტრი, თითქოს ისინი იყვნენ თანამონაწილეები, - ამის შესახებ ჭყონდიდელმა მიტროპოლიტმა პეტრე ცაავავამ გადაცემა "რეაქციაში" განაცხადა.
მისი თქმით, მამა გიორგის პროცესისგან განრიდებას პირდებოდნენ.
"დაცვის უფროსი და დაცვა რომ უნდა განიარაღებულიყო და პატრიარქის ოჯახის წევრი, მისი ძმიშვილი, გაჩუმებულიყო, ფაქტია. მე ამიტომაც ვთქვი, რომ ეს ყველაფერი მეუფე დიმიტრის წინააღმდეგ მზადდებოდა. წერილი, რომელიც მამა გიორგიმ გამოგზავნა წმიდა სინოდში წასაკითხად, და, რაც არ უნდა გასაკვირი იყოს, წმიდა სინოდმა არ ისურვა ამ წერილის მოსმენა... ამ წერილში წერია, რომ მასზე ირიბად თუ პირდაპირ იყო მოთხოვნა, რომ მას დაესახელებინა დაცვის უფროსი და პატრიარქის ძმიშვილი, მეუფე დიმიტრი, თითქოს ისინი იყვნენ თანამონაწილეები. მამა გიორგის პირდებოდნენ პროცესისგან განრიდებას", - განაცხადა მეუფე პეტრემ.
მისივე თქმით, სცენარი პატრიარქის ჯანმრთელობის მდგომარეობის გამო დაიდგა, რადგან ოპერაციის ტრაგიკულად დასრულების რისკი მაღალი იყო. მისივე თქმით, "შემდეგ კი ბომბი აუფეთქდათ ხელში".
