გაზეთ "ქრონიკა პლუსის" მთავარმა რედაქტორმა, ელისო კილაძემ, მთავარ პროკურატურაში შინაგან საქმეთა მინისტრის წინააღმდეგ საჩივარი შეიტანა.
ელისო კილაძის განცხადებით, გიორგი მღებრიშვილი საკუთარ ქონებას მალავს და პროკურატურისგან საქმის გამოძიებას ითხოვს. მისივე ინფორმაციით, 2017 წელს შევსებულ დეკლარაციაში მინისტრს სრულყოფილად არ აქვს წარმოდგენილი ორი მიწის ნაკვეთი, რომელიც მის საკუთრებაშია.
„მინისტრს დეკლარაციაში არ აქვს ნაჩვენები ის ქონება, რომელსაც რეალურად ფლობს. საჯარო რეესტრის ამონაწერების მიხედვით, ჩვენ ვიპოვეთ შს მინისტრის ორი მიწის ნაკვეთი - 900 კვ.მ. წავკისში და 1000 კვ.მ. დიღომში“, - განაცხადა ელისო კილაძემ.
სამართალდამცველთა რეფორმირების ცენტრის ხელმძღვანელის, ზვიად კუპრავას ინფორმაციით, შს მინისტრი პენთჰაუსს M კვადრატში 6 ათას ლარად ქირაობს. მისივე თქმით, მინისტრს 6 ათას ლარამდე აქვს ხელფასი და შეუძლებელია ამ რაოდენობის ქირა გადაიხადოს.
„საჩივარი შეეხება მინისტრის საცხოვრებელ ბინას, სადაც ის დღეის მდგომარეობით ცხოვრობს ოჯახთან ერთად. კერძოდ, ეს არის პენთჰაუსი M კვადრატში, რომელსაც მინისტრი სამინისტროს, ხალხის ფულით ქირაობს 6 ათას ლარზე მეტად. თუ საკუთარი ფულით იხდის ბინის ქირას, მინისტრს 6 ათას ლარამდე აქვს ხელფასი და შეუძლებელია ამ რაოდენობის ქირა გადაიხადოს“, - განაცხადა ზვიად კუპრავამ.
აღნიშნულთან დაკავშრებით, შინაგან საქმეთა სამინისტროშიკომენტარს, ჯერჯერობით არ აკეთებენ.
