პარლამენტის პლენარულ სხდომაზე "ევროპული საქართველოს" წევრმა ხათუნა გოგორიშვილმა უზენაესი სასამართლოს თავმჯდომარეს სამარცხვინო, ხოლო საკონსტიტუციოს თავმჯდომარეს არაფრის მაქნისი და უნიათო უწოდა. მისივე თქმით, ახალი რეგულაციების გამოყენება, რომელიც ევა გოცირიძის მიერ არის ინიცირებული, შეუძლიათ მისით დაიწყონ.
გოგორიშვილმა სასამართლო ხელისუფლება გააკრიტიკა. უზენაესი სასამართლოს თავმჯდომარეს სამარცხვინო, ხოლო საკონსტიტუციო სასამართლოს თავმჯდომარეს არაფრის მაქნისი და უნიათო უწოდა.
საკონსტიტუციო სასამართლოს თავმჯდომარე ძირითადად დროს ანდომებს მივლინებებეში სიარულს, ხოლო როცა საქართველოშია, მაღალფასიანი ავტომობილების შერჩევით არის დაკავებული და უბრალოდ არ რჩება დრო სხდომებისა და საქმეების განხილვისთვის. მისივე თქმით, უზენაესი სასამართლო და მისი თავმჯდომარე, ნინო გვენეტაძე არის ყველაზე სამარცხვინო თავმჯდომარე, რაც კი ჰყოლია ოდესმე რომელიმე სასამართლოს საქართველოში.
"საკონსტიტუციო სასამართლოს თავმჯდომარე ძირითადად დროს ანდომებს მივლინებებეში სიარულს, ხოლო როცა საქართველოშია, მაღალფასიანი ავტომობილების შერჩევით არის დაკავებული და უბრალოდ არ რჩება დრო სხდომებისა და საქმეების განხილვისთვის.
დღევანდელი უზენაესი სასამართლო და მისი თავმჯდომარე, ქალბატონი გვენეტაძე არის ყველაზე სამარცხვინო თავმჯდომარე, რაც კი ჰყოლია ოდესმე რომელიმე სასამართლოს საქართველოში. დიახ, იმიტომ, რომ მისი ძირითადი საქმიანობა არის მუქარა კონკრეტულ მოსამართლეებზე, რათა მათ ისეთი გადაწყვეტილება მიიღონ, როგორიც დღევანდელ ხელისუფლებას უნდა და ის მხოლოდ ამით არის დაკავებული.
ჩემთვის მიუღებელი იყო ის გამოსვლები, რომ თურმე ცენზურის დაწესებაზე უნდა ვიმსჯელოთ. ის, რომ ევა გოცირიძე ცდილობს თავი დაიმკვიდროს, როგორც გამორჩეულმა აქტივისტმა, ეს გასაგებია, მაგრამ გასაკვირია, როდესაც პარლამენტარები ცდილობენ ამას”, - განაცხადა ხათუნა გოგორიშვილმა.
