მეუფე პეტრე ცაავას განცხადებით, ნანა კაკაბაძემ, რომელიც შორენა თეთრუაშვილთან მეგობრობს, ხელისუფლება და საგამოძიებო ორგანოები შეცდომაში შეიყვანა.
როგორც გადაცემა "არჩევანში" მეუფე პეტრემ განაცხადა, მისთვის წმინდა სინოდის მიერ გამოძიებისთვის სრული ნდობის გამოცხადება მიუღებელია.
„ალბათ, შემდეგი ეტაპი იქნება ისევ სამარცხვინო, რომ სრულ ნდობას გამოვუცხადებთ სასამართლოს და მივიღებთ შედეგს, რომ სრული ნდობა გამოეცხადება საქართველოს მართლმადიდებელ ეკლესიას, რომელისგანაც უფალმა დაგვიფაროს“, - განაცხადა მეუფე პეტრემ.
მისი განცხადებით, ამ სცენარის ავტორი არის შორენა თეთრუაშვილია. როგორც მან აღნიშნა, სამარცხვინო რეალობიდან ეკლესია უნდა გამოვდეს.
„ეს არის სამარცხვინო რეალობა, რომლისგანაც უნდა გამოვიდეს ეკლესია და დაიხსნას თავი“, - დასძინა მეუფე პეტრემ, რომელმაც აქვე აღნიშნა, რომ მამა გიორგი მამალაძე დღემდე არავის უზიარებია მაშინ, როდესაც მღვდელი კვირაში ერთხელ მაინც უნდა ეზიაროს.
„2 ვარიანტია, ან ხელისუფლება არ გვენდობა, რომ ჩვენ მიერ შეტანილი სასმელი, ღვინო და წმინდა ნაწილი არ იქნება ტრაგიკული მამაოსთვის, ან ნდობას არ გვიცხადებს, რომ შეგვიშვას, რაც უბრალოდ შეურაცხმყოფელია“, - განაცხადა მეუფე პეტრემ.
