ნარკოდანაშაულისთვის ბრალდებული პრეზიდენტის სიძის მეგობარი მიხეილ თათარიშვილი სასამართლომ პატიმრობაში დატოვა. დღევანდელ სასამართლო პროცესზე ადვოკატებმა ბრალდებულისთვის აღკვეთის ღონისძიების შეცვლის შუამდგომლობა დააყენეს და თათარიშვილის აღკვეთის ღონისძიების გარეშე დატოვება მოითხოვეს, ალტერნატივის სახით კი დაცვის მხარემ სასამართლოს 40 000-ლარიანი გირაო შესთავაზა.
ბრალდებულის ადვოკატმა ირმა ჭკადუამ განაცხადა, რომ მოსამართლის განმარტებით, თავისუფლებაზე ყოფნის პირობებში არსებობს ბრალდებულის მიერ დანაშაულებრივი საქმიანობის გაგრძელების საფრთხე.
