შეიძლება გავაკეთოთ გადაცემა, სადაც სასამართლო სისტემაში არსებულ კარგ ამბებზე იქნება საუბარი, - განაცხადა ლევან მურუსიძემ იუსტიციის უმაღლესი საბჭოს სხდომის დაწყებამდე.
"მე მახსოვს იყო ადრე გადაცემა "პროკურორი", რომელიც "რუსთავი 2-ზე" გადიოდა. რატომ არის მაშინდელი გადაცემა კარგი და ჩვენი ინიციატივა ცუდი? ჩვენი მიზანია, რომ დადებითი ტენდენიები წარმოვაჩინოთ. კონფერენცია რომ ჩატარდა, არავინ არ გააშუქა სათანადოდ, გვეკითხებოდით ყველაფერს, გარდა კონფერენციისა. შეიძლება გვქონდეს სურვილი, რომ გავაკეთოთ ისეთი გადაცემა, სადაც ეს ყველაფერი გაშუქდება? რატომ არის ეს სისულელე?"- განაცხადა ლევან მურუსიძემ.
დღეს საბჭო ლევან მურუსიძის მოსამართლის თანამდებობაზე უვადოდ დანიშვნასა და ევა გოცირიძის ინიციატივაზე იმსჯელებენ, რომელიც მოსამართლის შეურაცხყოფისთვის შესაძლო სანქციების დაწესებას ეხება.
