ნამდვილად მქონდა იმის იმედი, რომ მოსამართლე სამართლიან გადაწყვეტილებას გამოაცხადებდა იმიტომ, რომ პროკურატურის ბრალდებები ძალიან უსუსური იყო, - ამის შესახებ 11-12 მარტს ბათუმში მომხდარი არეულობების ორგანიზებისთვის ბრალდებული ირაკლი ჩხვირკიას დედამ, ცისანა როსტობაიამ, გადაცემა "არჩევანში" განაცხადა.
მისი განცხადებით, სასამართლოს გადაწვეტილება პოლიტიკური იყო. მისივე თქმით, წაიკითხეს დაწერილი და არცერთ შეკითხვას პასუხი არ გასცეს.
„ნამდვილად მქონდა იმის იმედი, რომ მოსამართლე სამართლიან გადაწყვეტილებას გამოაცხადებდა იმიტომ, რომ პროკურატურის ბრალდებები ძალიან უსუსური იყო, წაიკითხეს დაწერილი და არცერთ შეკითხვას პასუხი არ გასცეს. დადეს ცრუ მოწმეები ჩვენება. ამაზე უმტკიცებენ ამათ ბრალდებას“, - განაცხადა ცისანა როსტობაიამ.
მისივე თქმით, ჩხვირკიამ სასამართლოს ქრონოლოგიურად მოუყვა დღის განვითარებული მოვლენები. მისივე თქმით, დაკავებულ ირაკლი ჩხვირკიას ახსოვს აფხაზეთის ომი და იმიტომ იბრძვის რუსეთის წინააღმდეგ, რომ უნდა დაბრუნება სახლში.
„უკრაინის ბოლო გემით დავტოვე ქალაქი, როდესაც სოხუმი უკვე იწვოდა. ჩემს შვილს ახსოვს აფხაზეთის ომი და იმიტომ იბრძვის რუსეთის წინააღმდეგ, რომ უნდა დაბრუნება სახლში“, - აღნიშნა ცისანა როსტობაიამ.
ცნობისთვის, ბათუმის საქალაქო სასამართლომ 11-12 მარტს აჭარის პოლიციის მთავარ სამმართველოსთან მომხდარის გამო სისხლის სამართლის ბრალდებით დაკავებულ ორ პირს, მერაბ ღოღობერიძეს და ირაკლი ჩხვირკიას აღკვეთის ღონისიების სახით წინასწარი პატიმრობა შეუფარდა.
